新聞

• 1999/12/10
• 近排壞人唔知搞咩鬼, 次次約佢出席小的會D活動時, 佢都話唔得閒, 話有野做喎, 小心無人再約你呀
• 1999/12/07
• P仔因為公司出突然, 天寒地凍都要晨早起身上惠州
• 1999/12/06
• 魷魚絲因為之前兩日放血放得太緊要, 終於醒悟話要慳d駛了, 仲好慳咁餐餐食麵包o忝, 點知佢轉個頭又話知道邊度有開倉喎, 要去埋呢轉先慳過, 真係比佢激死呀
• 1999/12/04
• 秘書長同魷魚絲又相約去放血喇, 今次由銅鑼灣殺到金鐘, 為左買心頭好連午膳都唔食, 佢地行足一整日當然戰利品都唔少喇, 荷包仲輕左好多o忝
• 蛇宴日, 由於別人搞錯我地預約的時間, 所以小的會一行十多人要被迫由晚上8:00 提早為6:30, 趕死人呀!
• 蛇宴完畢又去唱k, 好不幸地得到一間凍到似雪房咁o既房, 凍到個個頂唔住打晒冷震
• 是晚唱k, 有個希客…….曲奇餅忽然亮相, 好力又忽然唱得好落力喎
• 1999/11/27
• 是日活動於好力家中舉行, 因為好力親佢雙親旅行期間, 相約小的會工程部去拆屋呀
• 大頭又一爆笑力作. 話說現今科技日新月異, 好力o係架愛妻(車)度擺放左個來電閃燈的飛機仔在冷氣機風口位(可鄰近個電話), 點知大頭就好醒目咁話呢個係擺設, 一開冷氣就會轉的, 當場笑到好力, 會長同p仔命都無咁滯
• P仔以為自己飽到拉肚子, 點知係因為條褲窄搞到個肚唔舒服, 真"好"笑
• 大頭要考車牌並鐵定於2000年1月28日o係荃灣考路試, 小的會奉勸各位兄弟姊妹出入荃灣要小心d喇
• 1999/11/25
• 會長告訴胡仙丹主席從金山來電祝壽好開心呀, 咁胡仙丹就盤算主席遲d會致電比佢, 但佢等極都等唔到, 唯有厚著面皮問會長喇, 點知原來主席根本無打算打電話比佢喎, 幾瘀呀.
• 魷魚絲變左隻鵪鶉呀, 原因係佢同李先生及小的會等人去唱k的時候, 竟然成場都靜英英幾斯文呀, 同5月個次佢自己單刀去唱k o既瘋狂爭咪爭歌唱o既情形差幾遠呀, 原來有個愛人一齊去係差咁遠o既
• 車爺終於都達成心願買左天下無敵, 地上最強o既Note Book , 恭喜晒
• 1999/11/24
• 會長見會員整牙咁昂貴, 所以見有蛀牙便 "拿拿林"去花d錢去補牙喇. 免得第時崩牙仲肉赤喎
• 1999/11/23
• 秘書長由於有親友從遠方來, 故特別請假相陪去深圳遊山水, 仲要掃埋d便宜名牌貨tim bor, 幾開心呀!
• 1999/11/22
• 魷魚絲繼患唇瘡之餘, 仲係眼角生"眼挑針" o忝, 佢樣樣都生係塊面度, 真係買多多護膚品都補唔返呀, 真係替佢淒涼.
• P仔新作, 佢今回要變身為崩牙仔了, 話說佢lunch 去飲茶食食下菜的時候, 竟然咬崩左隻大牙(真係激), 點知返都公司仲越爛越大"忽", 搞到要早走去睇牙醫又唔見一筆(錢), 照常理佢個心仲痛過隻牙tim
• 1999/11/20
• 主席拋下胡仙丹一個人,自己走去金山happy下, 嘆世界, 可憐胡仙丹要自己孤伶伶一個在家, 好彩小的會各人有咩節目都會預埋佢o者, 等佢無咁寂寞.
• 1999/11/19
• 原本約好今日有活動安排的, 但無耐地胡氏伉儷雙雙患了病, 會長要看舖, 秘書長又唔得閒, 因為一波三折唯有將活動取消(真可惜).
• 1999/11/16
• 胡氏伉儷又出動了, 今次係因為主席約了朋友而胡仙丹又要返學, 所以佢地就約埋會長, 秘書長同P仔一齊食個豐富的早餐, 展開充實的一天.
• 1999/11/15
• 是日係大頭考試的大日子, 祝佢好運喇.
• 1999/11/13
• 生日會o係淺水灣舉行, 連神秘的阿d及李仙丹呢個大家閨仔都比面踏出閨房出席今個party, 兩位主角----好力同會長都算大面子喇.
• 由於大頭忙於應付考試要溫習, 所以唯有再次缺席小的會活動了.
• 有好耐, 好耐無參與活動的車爺, 一貫佢的作風-----依舊缺席.
• 會長得到各位會員的寵愛, 收到好多禮物, 依家佢繼秘書長一屋都係大頭貓之後, 會長就一屋都係貍貓仔了; 而好力都唔弱, 收到一竇(布)狗仔, 真係厲害.
• 1999/11/10
• 為籌備11月份的生日會, 連日來秘書長, 魷魚絲同P仔都忙得不可開交, 仲要絞盡腦汁同埋四出買禮物, 非常頻撲.
• 1999/10/15
• 小的會日本之旅
• 1999/10/06
• 車爺終於知道自己近來成日放飛機, 如果再唔自動自覺蒲頭就會無晒d朋友, 所以主動留言賣口乖話好掛主小的會各人咁話喎
• 1999/10/05
• 會長, 秘書長, 魷魚絲同P仔一齊去麥當當午膳期間, 魷魚絲由於心急將銀包放入秘書長 "的式" 的手提袋時, 唔小心整鬼爛左個袋, ��初秘書長猛話唔緊要架, 但後來又改變主意, 要用Lunch僅餘o既時間去買過一個, 咁魷魚絲當然陪埋去喇, 就係咁當日買野o既情況唔駛講都知大出血o個個反而變左係魷魚絲喇
• 1999/10/04
• 由於魷魚絲呢份人, "倫倫盡盡" 佢竟然咁大個人, 都可以跌o左落坑渠, 仲搞到自己隻腳成隻大堡 "焦" 咁, 好彩經過成個幾兩個星期o既養傷, 大堡焦終於變成珊瑚區了
• 1999/10/03
• 主席將於十一月出差美國洛杉磯, 但今次遠行並沒有胡仙丹份架, 睇o黎胡仙丹只好乖乖地留係屋企了
• 1999/10/02
• 壞人作出佢咁大個仔平生未做過o既事情, 就係主動約人出o黎�M下的活動了, 但由於佢無咩經驗, 又缺乏口才, 所以活動都搞唔成喇, 希望佢唔好咁快灰心喇, 正所謂---有志者, 事竟成 呀麻, 下次再努力d喇
• 1999/10/01
• 今天國慶, 請為我們的祖國歡呼三聲, yee ........yee.........yee...........
• 黑豬同會長都好忙, 為了行將舉行的小的會日本之旅, 現正忙於趕工, 新聞都無時間寫
• 小的會日本之旅將於10月15日出發, 為期七天, 但只係得會長, 秘書長同會員去, 人就少o左D
• 魷魚行路唔小心, 多O左個花名叫大堡嶕, 行路時有 D 似大肚婆.
• 車車近期一定係好忙, 都未有與小的會聯絡
• COCO 愈來愈唔聽話, 比人打係在所難免
• 主席11月又話去美國, 但無仙丹份.
• 大頭話學車, 恐怕我地大家又要心慌慌喇
• 1999/08/04
• 因為有肯德基優惠優券, 所以會長, 秘書, 魷魚絲同壞人Lunch就去刷餐勁, 食食o下, 魷魚絲同秘書長發現好似少左3件雞, 於是捧埋個桶去理論, 好啦, 結果比佢地爭取D雞返o黎, 大家便繼續開餐, 點知食食下佢兩個又發現好以真係多左幾件, 唉!!! 又會咁烏龍o既, 不過佢地的解釋係因為壞人佢自己食左幾多件都唔清唔楚, 由於佢報錯數, 先至會有D咁搞笑同羞家的情況出現wor, 佢地講晒啦, 都無佢地咁好氣呀!
• 1999/08/03
• 車爺為了間屋好頻撲, 日做夜做無時停, 人仲滄桑左o忝.
• P仔話因為放長假, 所以要唔刮鬍子一整個星期wor, 好難頂呀.
• 1999/08/02
• P仔的暑假終於開始了, 各方友好, 得閒就打電話比佢解下悶喇.
• 新記一早就玩停電, 足足無電成兩個鐘, 個個為公為私去銀行, 大熱天時通街逛, 真陰公.
• 1999/08/01
• 之前晒完大半日都未夠, 一大清早食過主席所做的豐富早餐, 大家又去比太陽伯伯晒過, 終於個個晒到黑黝黝, 壞人仲甩皮甩到好似D蛇脫皮一樣咁核凸呀!
• 大頭即係大頭, 奇人奇技誰與爭鋒, 佢星期六下午出席夏令營, 晚上回家去, 星期日返工, 放工又再出席去唱K同晚飯, 間斷出席, 玩足兩日.
• 好力缺席Summer Camp為了補飛, 一話去唱K同晚膳, 連聲Say Yes, 話OK.
• 1999/07/31
• 胡仙丹終於發覺自己身型肥胖喇, 佢好 "的"起心肝去減肥, 但只限於逢星期五晚,因為佢話晚上做完運動後, 仲有星期六,日可以抖抖, 真係比佢激死!
• 小的會夏令營終於o係陽光普照的日子下順利舉行.
• 由於胡仙丹的人事關係, 小的會租到間又大又靚又新淨,設備仲好齊全o既渡假屋, 好正架.
• 一放低D食物同用品, 個個都急不及待去沙灘碧波暢泳同享受日光浴.
• 會長, 秘書同P仔浮沉左大半日, 頂唔住要上水, 腳都未企定便收到時間掌握得非常好的車爺話佢趕緊o黎, 可憐佢地三個抖左一陣間後, 又要落水再浸過, 真係浸水浸到無晒譜呀!
• 晚上BBQ時, 靚坤神秘地出現, 大頭心花怒放, 開心到不得了.
• 1999/07/30
• 魷魚絲為救愛女Co Co 比隻狗"仔"揩損ｏ左少少, 可憐佢隻手留下牙齒印及瘀青色, 但更淒涼ｏ既係隻狗仔可能已經染上瘋狗症喇.
• 1999/07/20
• 主席近排積極去參加太極同俞加, 以佢的勤力情形睇o黎佢遲D可以做教練了.
• 1999/07/17
• P仔晚上無喇喇約齊會長, 秘書長, 大頭去睇戲, 但難為了秘書長同大頭要山長水遠由沙田同旺角去康怡, P仔真係無陰公喇, 淨係方便自己就算數.
• 秘書長又有新攪作, 只有人將D頭髮染淺o架o者, 但佢比較特別, 喜歡將自己個頭染成藍色仲帶點黑色, 佢依家個樣似足電影---【危險人物】的女主角一樣, 仲有少少似李珊珊o忝, 秘書長果然厲害呀.
• 1999/07/14
• 由於胡仙丹交遊廣闊, 所以小的會可以以較平的價錢租到間三房兩廳的渡假屋, 好好野呀!
• 1999/07/13
• 大頭回港後便立即約會小的會要員出來午膳, 帶備手信, 同未影晒菲林(所以各人都係無相睇), 講述佢係台灣o既經歷(不過以佢o既記憶力,大家都只可以大概知道佢去過邊jar), 不過小的會各人都一早心中有數估到o架喇.
• 小的會夏令營終於落實係7月31日至8月1日兩日一夜, 在大嶼山舉行, 今次活動各會員都頂力參加, 一呼百應, 好高興.
• 1999/07/12
• 大頭與其好友們終於肆虐完台灣回來了, 從此寶島天下太平, 香港人心惶惶喇.
• 1999/07/08
• 當會長與秘書長相討緊今季小的會是否舉行夏令營及在那裡舉行時, 魷魚絲以為貝澳係o向西貢等地方, 仲問可唔可以帶埋佢愛女Co Co去, 但一知道貝澳係o向離島後便立即以笑遮醜, 同洒手擰頭話唔去了.
• 1999/06/24
• 小的會台灣之旅
• 1999/06/14
• 秘書長烏龍代表作, 事原……佢晚上回家準備到7-11買野食, 點知發現張ETC咭唔見o左, 咁就好驚啦, 於是立即致電報失兼Cut Card………….後來經過回家冷靜地反復思量後, 才記得之前佢因為要增值張八達通, 跟住將ETC咭同張八達通咭放在一齊, 唉! 咁無記性真激死!!!!!
• 1999/06/13
• 台灣之旅這好日子日漸迫近了, 3位成員……….會長, 秘書長同P仔一齊去採購所需用品, 唯獨o個個懶鬼車車話自己好忙, 置身事外咩都唔理, 從未蒲過頭, 非常cheap.
• 購物完畢後, 3人便到P仔家染髮, 會長終於告別 "黑頭" 了.
• 1999/06/12
• 秘書長夏日炎炎去逛街, 點知敵不過太陽伯伯的威力, 差D中暑暈倒在街, 好在她 "拿拿臨" 走入仙跡岩去竭竭, 唔駛係大庭廣眾出醜jar.
• 胡仙丹近排收心養性收埋自己響屋企專心溫書, 真少見. 據佢自己爆料所知, 佢咁大個人都未試過咁勤力o架, 咁希望佢下星期考試成功啦!! 俾D心機呀!!!
• 1999/06/11
• 魷魚絲又一傾 "血" 力作, 話說個日佢響自己個位度跟會長同秘書長傾計, 點知佢傾得高興得滯, 一個90度鞠躬以致撞穿眼眉, D血"Ba Ba"聲咁流, 嚇得會長同秘書長手騰腳震, 好彩P仔經驗多, 夠鎮定………….止血, 消毒, 貼膠布, 一陣就搞掂.
• 話時話, 魷魚絲當時縱使流緊血, 仍不忙要打電話比李先生, 她真奇怪喇!
• 1999/06/09
• 魷魚絲亂咁開門遲早會出事, 人o地度門明明係推的佢就走去拉, 好彩無其他外人發現jar, 如果唔係實比人話呀
• 原來六月中, 小的會台灣之行後, 主席同胡仙丹又會在七月頭去, 而大頭就在七月中去, 而壞人都唔執書七月尾去。台灣唔通真係咁好玩?
• 1999/06/07
• P仔心事多蘿蘿, 搞到成日愁雲慘霧, 會長同秘書長都---老鼠拉龜無訂埋手去解困, 希望佢早日回復開心樣啦.
• 1999/06/05
• 車車問主席借了跳舞毯, 一心諗住可以跳番幾part舞,操fit DD去表演, 點知有毯無碟(遊戲碟), 好夢成空.
• 1999/06/02
• 大頭即係大頭, 佢由於返工時間關係好多時都睇唔晒套電視劇, 但佢竟然只係向度自夗自艾, 諗都無諗過用錄影機錄底佢, 收工慢慢睇……….無得救!!
• 1999/06/01
• 主席晨早起身山長水遠出市區, 目的只有一個, 就係同小的會要員, ……食早餐喇! 但係由於事出突然----P仔要遠赴惠州公幹, 而魷魚絲希望同阿周公溝通多D, 故此佢兩個都缺席是次早餐約會, 出席o既就只有會長同祕書長.
• 胡仙丹繼電話被竊後又一新作, 就係搭錯車喇!!! 呢次都幾大鑊o架, 因為佢今次付出o既代價係要由荃灣MTR搭去藍田MTR, 你話路程幾遙遠呢.
• 魷魚絲被人放飛機呀! 無陰公!! 原本交通篤導員約o左, 話同佢食lunch o架, 點知篤導員佢一個 "屈尾拾" 就………..唉!!! 今次魷魚絲就唔好彩啦, 信錯人.
• 1999/05/29
• 會長同秘書長要返工, 佢地仲話會去吃早餐喎, 佢話佢地……. 點知兩個爛訓豬(黑豬同白豬)都唔知醒起身, 秘書長仲要遲到返工呀, 真係無佢地收!! 唯有約埋 P 仔吃LUNCH 補數啦, 順便開個小型台灣之旅坐談會囉!!!
• 1999/05/28
• 魷魚絲完全野笑, 滑稽出醜的一天, 想講炸兩不停講炸菜, 比人取笑無得 "LAY"
• 秘書長成日都長話短說, 本想叫壞人記住 8月15日去看SHOW, 但卻講了記住壞人的 8月15 , 那是指 ……. "籮柚"嗎???
• 魷魚絲愛吹水, 笑呵呵!!!
• 原來魷魚絲為了唔比人知佢 D 醜態同惡行出現於小的會新聞, 竟然去監視遙無辜的記者妹!!
• 新發現呀, 原來仲有人唔知打 133 係唔會顯示電話號碼喎, 呢個人係邊個, 嘻嘻….. 想下啦!! 不過好 cheap o架, 有 d 人要用 133 打電話先聽o架!
• 1999/05/27
• 普通人在SEND E-MAIL 的時候有附帶文件會以萬字夾代表, 但係我地個大頭顧問與別不同, 係用一個指甲鉗, 真係意想不到, 厲害, 厲害!!!!!
• 1999/05/25
• 主席專誠找會長、秘書長、P 仔、魷魚絲…… 佢地食 LUNCH 可力, 大頭顧問 同佢個朋友仔都有O黎, 七重天生色不少呀! 但係秘書長當天病倒, 今次到佢沒出現啦!!
• 1999/05/24
• 車車終於都收到台証啦, 但係又話唔知本BNO 放了在那裡, 有咩理由個人可以咁麻煩架, 激死人啦!! 都唔知阿會長幾咁辛苦先問到台證的情況, 重要跟"車車"姓, 做"車車"家姐。
• 1999/05/22
• 主席家好多人呀, DD 同超超都有出席, 有咩使到佢地咁齊心……. 就係跳舞毯的吸引力啦, 個個都跳到好HIGH 呀, 但最遺憾是當天有 2人沒有到, 就係會長同車車啦, 不過佢兩個真係有要事唔O黎得架, 唔好怪佢地啦!!!
• 1999/05/15
• 車車同壞人生日的大日子呀! 我地小的會舉辦踏單車活動, 可惜壞人要睇 D 寵物馬仔, 要夜晚先出席呀, 李先生又立志做一個 "黃花歸仔" 留在家中抹地、洗衫、熨衫…… 打理家頭細務仲要煮埋綠豆沙比魷魚絲等佢回家吃。真係唔話得!!
• 眾人係威係勢, 由沙田踩去大埔, 踩到中途大埔與馬料水交界, P 仔被無情的釘整爆車呔, 要用人力將架單車推至大埔市中心, 付出昂貴的 $$ 去換呔。
• 換完一個又一個, 呢次中招的到魷魚絲, 在她還未話完P仔破財之餘, 佢架單車條呔都中埋招, 可憐的魷魚絲又踏上P仔的路 - 換呔啦!!! ~.~
• 為了打破踩第尾的宿命, 秘書長已經無跟車車同魷魚絲去換呔, 好努力地由大埔踩回沙田, 連休息都無咁係咁不停踩, 以為可以唔駛第尾啦, 但係世事o既o野真係好難講, 就係最後一條斜路佢居然比他們兩個追上, 可憐的秘書長又係第尾啦, 我想這個打擊發生了之後, 她有排都唔踩單車呀!!
• 1999/05/14
• 主席唔知因咩究竟整到條頸抽筋 (據佢近身愛人胡仙丹透露可能同主席近排鍊俞加有些少關係) 唉 ~ 卒之要漏夜入急証室睇醫生仲要帶頸 "COOL" 之後仲要做物理治療呀, 小心 D 啦主席大人!!!
• 1999/05/13
• 唔知阿大頭係唔係希望隆重其生日大日子, 竟由今天開始放假至 18 號足足放 6 日咁多呀, 今趟開心晒啦!!
• 大頭通知 5 月15日生日當天她有 "朋友仔" 同佢慶祝, 所以不 JOIN 小的會所舉辦的 BIRTHDAY PARTY 。
• 1999/05/12
• 話咁快車車同壞人個BRITHDAY PARTY 就迫近了, 會長同為了籌備兩位主角的生日禮物奔波勞碌了一整晚, 但車車的禮物依然未買掂, 真係傷腦筋。
• 參加台灣之旅的各成員都相繼收到台証啦, 開心晒! 但係仲有一位較 "騎離" 的會員仲未收到呀, 希望佢都能快 D 收到啦!
• 1999/05/11
• 經過一年緊迫的返夜校生活, 會長終於返埋今晚就完成整個課程了， 以後唔駛再 "就" 佢安排活動了。
• 1999/05/01
• P仔家開的跳舞 "爬地", 個個跳到大汗加細汗之餘, 仲累到腳震震o忝, 可惜主席和大頭要早走, 無得一齊玩耐D.
• 屋主P仔親自下廚做芝士蛋糕, jelly同布甸招乎各位出席成員品嚐.
• 車車帶埋私家搖控車聯同P仔與好力去玩車, 點知開始無耐就 "跪低" o左! 真陰公!!! 佢唯有狂 "Bo" 跳舞機, 操弗自己去表演, 賺返D錢去買/整車.
• 1999/04/30
• 秘書長及魷魚絲均先後因病須告假休息, 但魷魚絲就比較淒涼D, 事關佢愛犬------Co Co 趁佢病o羅佢命, 將買o黎煮粥的生豬肉食淨四塊, 可憐佢病到死o下死o下連粥都無得食.
• 1999/04/29
• 魷魚絲同你先生計劃了成個月的賣魚行動, 均經常被突如其來的活動 / 節目 或疾病打亂, 似乎佢地賣魚呢個計劃須要無限期地延遲下去了.
• 1999/04/28
• 生日會舉行得非常順利, 當晚P仔淨係拆晒D禮物都要拆足三個幾四個鐘, 問你死未.
• 因為大頭放假, 所以會長冒險地委託佢去幫參加o左台灣之旅的成員申請入台証, 好彩佢都不負眾望完成任務.
• 1999/04/27
• 唔知點解, 一夜間令魷魚絲, 你先生及神秘嘉賓都身染嚴重喉嚨痛甚至失聲, 所以三人均須缺席B-Party.
• 今次B-Party攪得真騎呢, 事關全部出席人仕的集合時間和地點都各有不同, 攪到好似玩尋人比賽咁.
• 相信壞人的反應一定係有問題, 因為佢 "聞"到垃圾車的臭味時竟然騎騎笑o咼呀!
• 自從你先生帶起玩模型車後, 一股衝勁的玩車熱潮正式侵襲小的會.
• 1999/04/26
• P仔生日在即,會長作最後衝刺, 到UNY "掃"貨, 並連日來少眠少休,晚晚積極 "包"禮物, 慕求要收禮之人都要付出 "努"力及勞力才能拆晒D禮物.
• 1999/04/25
• 秘書長o係百忙之中都堅持親自精心挑選生日禮物送給---P仔, 實在令人感動, 奈何逛了一整日收獲就………不堪一題, 反而買了個芝士蛋糕比自己嘆!
• 1999/04/24
• P仔四處邀請各方好友5月1日, 齊齊去佢屋企玩P.S跳舞機及放模型車.
• 1999/04/23
• 為o左令各位出席P仔－Party 的人仕有Ｄ驚喜, 會長已誠邀一個神秘嘉賓出席Party. 佢係邊個? 自己估o下啦.
• 1999/04/22
• 小的會6月台灣之旅遇到的問題一浪接一浪, 今次輪到大頭顧問了. 事原佢工作關係公司未必比佢放假, 由於事出突然, 又無計可施, 更加唔到佢話事, 如今只好聽天由命, 望天打掛了. 大頭依家煩到頭大了!
• 1999/04/21
• 未知車車係轉死性定係情緒有波動, 近排做O左沉默的羔羊.
• 1999/04/19
• 胡仙丹由於考試關係, 唯有放棄6月小的會台灣之旅, 主席只好跟隨左右, 體貼的做佢O既跟得夫人.
• 1999/04/18
• 好力晨早掃墓去, 果真係個孝順的後人.
• 1999/04/17
• 週末本是悠閒日, 奈何老闆一句-----"請幫忙", 秘書長, 魷魚絲和會長只有犧牲私人時間去招待大陸人. 日間奔波又勞碌, 晚上相約會員去唱卡拉OK, 唯有如此去發洩, 各人心情好好多.
• 1999/04/16
• 忙碌! 忙碌! 好忙碌!! 忙完主席, 秘書長O既生日, 又到忠心耿耿O既會員的壽辰, 小的會就快變成生日會了.
• 1999/04/15
• 大頭心血來潮,找齊主席, 會長, 秘書長, 會員, 魷魚絲及好力等去飲茶……查實佢想快D 要返張會員證先至真.
• 1999/04/07
• 小的會會員證已經印製好了, 欲免向隅, 請速向會長查詢索取。
• 請記緊會員證好比身份o即象徵, 一旦遺失絕不附設補領或補發服務, 故請小心收藏及保管, 謝謝！
• 1999/04/06
• 公眾假期最後一日, 秘書長繼續去飲茶; P仔整日埋頭苦幹update小的會網頁資料及籌備會員證。
• 1999/04/05
• 主席部腦染病毒, 難為了P仔要長途拔涉去診治, 唔駛一陣就攪掂。
• 1999/04/04
• 秘書長生日太高興, 每逢收到電話祝賀佢, 佢都話係當日收到的第一個Happy Birthday Call！(好假喎)
• 派對完畢歸家時, 車隊分為新界區及香港九龍區, 點知車車及壞人傻更更跟錯車, 發覺時港九車隊已開出. 好在轉燈加上好力仁慈, 俾番兩個傻瓜上車, 唔係……….佢地就折墮喇!
• Big爆車箱係壞人, 後座三人位，佢獨霸兩個位；害到車車與會長, 逼到變柿餅 (真係無陰公)。
• 1999/04/03
• 秘書長及靚主席的好日子, 終於決定去大尾篤放風箏; 人山人海不得了, 左閃右避四圍走。
• 瞞住主席去燒野食，等佢輕鬆唔駛做！
• P仔、會長、車車、壞人及好力為了早一步到魷魚絲家製造驚喜, 點知因快得慢行錯路, 越走越遠, 去o左文錦渡閘口. 好彩好力夠鎮定, 加上有魷魚絲指點, 終於都安全抵步, 但係包尾呢.
• 1999/03/31
• 為籌備4月3日秘書長及主席之生日派對, 魷魚絲、P仔、好力同會長成日要靜靜雞, 密密傾以防計劃外洩, 好忙碌。
• 1999/03/27
• 跳樓機好刺激, 驚到差D叫唔出, 難為主席一人拎晒七個人的行裝.
• 歡樂谷好好玩! 礦洞漂流周身濕, 車車和P仔當眾除鞋又除襪, 路人紛紛掩嘴笑.
• "鏈"骨差點"鏈"出禍, 事原---小的會一行九人, 其中六人去"鏈"骨, 點知俾小費有爭議! 唉! 出錢俾人"鏈"自己, 仲要受人氣; 外面三個就醒目喇, 篤波比少少錢就可以打人地D野�,最識揀！
• 小的會因多名主要幹事繁忙關係, 暫停舉辦活動個多月, 以至最近期的 "春季深圳之旅"全部會員幹事均頂力支持, 齊齊參與, 陣容龐大。
• 小的會深圳二天遊, 主席, 胡仙丹, 會長, 大頭, we we 雲, P 仔, 車車, 好力, 壞人. 成九個人去o架.
• 保齡, 保齡, 大家都喜歡玩球.
• we we 雲又發開口夢, 都真係幾..............
• 可惜壞人提早離開了我們, 但亦要多謝他, 因為八個人, 可以坐兩部的士四圍去.
• 1999/03/26
• P仔出差蘭州完畢，但竟變跛手仔回港 (慘！慘！慘！)。
• 1999/03/25
• 會長與秘書長每日午膳後都好勤力, 忙著商討六月台灣之旅, 奈何毫無頭緒。
• 1999/03/18
• 小的會將於六月活動 - 台灣之旅
• P 仔蘭州盤點
• 1999/03/01
• CoCo(契女), 新年妳好鬼多新聞呀, 快D看看魷魚絲點樣在小的會的公告天下話妳喇!
• 黑豬積極剪肥, 為o左禮拜六做個靚伴娘.
• 小的會網上玩起 voice mail, 你裝o左未呀?
• 三月靚靚開花展, 好鬼忙.
• 1999/02/27
• 小的會新年卡拉OK聚會, 好力, 會長, 黑豬, P仔, 大頭, 靚靚, 胡仙丹均有出席.
• 大頭大送新年禮物(話只係比女仔), 但P仔都收到, 真係奇奇怪怪????
• 新年車車快人一步, 去主席家拜年.
• 壞人年尾去泰國, 唔好玩(因為唔係同小的會去), 番來又唔番工, 以至留在家中頭頂發菇菇.
• 特別鳴謝DD橡皮糖直擊黑豬發開口夢故事, 呀.......斷腳呀!
• 黑豬北京行, 餐餐兩大碗飯, 食到變o左大肥妹.(又係某部份特別發"肉")
• 咖喱番o左澳洲食咖喱, 並繼續學業, 繼續進步.
• 好力去台灣, 唔好玩, 又悶蛋, 三更半夜無得訓, 不如番工無咁慘.
• 1999/02/15
• P 仔出外, 以至小的會網頁暫停.
• 1999/01/30
• 胡仙丹, 主席特然開出緊急會議, 聯同黑豬, 會長, 顧問同會員, 在七重天開會.
• 大頭今天要考試, 竟然明明知道正確答案, 但都去選個錯o架, 真係大頭, 無計............
• 黑豬以為身法好, 點知顧得身來忘了她身上最大的部份. 呀.........(事件係呀黑豬行行o下街, 見到燈柱, 以為閃個身好易過, 點知上身無問題, 但係個.............) 宋弟話喇唔講喇!
• 小的會今天個特別會議, 其實係去影貼紙同卡片相.
• 特別徵文 今年年夜飯, 黑豬徵求 MD 機, 會員徵求 單鏡反光相機, 壞人徵求電視, 會長徵求電熱板或甚麼尚朋堂, 如各方好友, 抽到而又出讓, 請優先孝慮小的會以上人仕, 謝謝!
• 1999/01/17
• coco 樂極忘形, 斷牙仔, 好傷呀
• 大頭又要早走, 唔知係咪去............大個女喇嘛!
• coco 可能係第一隻大頭唔怕的狗
• 魷魚絲看到三種東西, 對眼會發光o架!係朱古力, 雪糕, 同麻雀(唔試飛, 打果D)
• 當你一隻手五隻手指, 一同指天(成花形), 叫你估係一種熱帶植物, 第一個字係神....喱! 你會估係..... {提示 : 有 D 一枝枝o野} 答案咪係主席講到口邊唔識講的仙人掌囉!
• 1999/01/16
• 農曆年快到了, 各界人仕均有動向旅行, 其中we we 雲 為取旅行資料去旅行社, 點知去到旅行社收工, 才"鼠"入去問人問題, 要比人趕才走, 真係.............
• 1999/01/15
• 魷魚絲, 會長, WE WE 雲, P仔一齊去BANK去午膳, 發現魷魚絲個胃原來分幾格o架, 一格裝正餐, 一格裝小食, 一格裝甜品.
• 1999/01/13
• P仔上惠州, 提款時不小心損壞提款卡, 以至空著錢包無飯食
• 1999/01/11
• P仔去ANNIE家整電腦, 會長一句唔執輸, 一於走去食一餐, 真係唔要得
• WE WE雲因不見會長一天而不安, 夜間決定出席宵夜聚會, 大吐苦水.(有D好似長江缺堤, 一發不可收拾)
• 魷魚絲怕冷(加上懶), 竟然唔出席宵夜聚會.
• 1999/01/09
• P仔要換回鄉証, 可惜時不與他, 還是換了証而非卡.
• 1999/01/03
• 小的會卡拉OK的一天
• 宋弟, P仔及會長, 三個孤單唱歌的人
• 為了貼紙相而瘋狂, 想看看去活動回望喇!
• 大頭病了, 請小心身體及早日康復.
• 胡仙丹電腦總是有問題, 又益P仔遲 D 借機會, 食一餐喇! 嘻!嘻!
• 記者妹難得出現, 各界人任均不顧明天開工, 大玩到一點.